Weihnochten bedeitet so viel..

Volksschulkinder mit einem großen Herz – die besondere Weihnachtsaktion an der Grundschule St. Oswald im Schlerngebiet

Weihnochten bedeitet so viel..

..sell zu vermitteln wor ba der Weihnochtsfeier es Ziel!
Haint no kriag i Gänsehaut, wenn i zrugdenk an die Leistung va enk 10 Schualkinder –
mein Kompliment, es seid richtige „Weihnochtsüberbringer“!
Kaum za glabm, welch Stimmung durch Liachter, Liader, Theater und vorgetrogene Texte konn entstian..
..wenn sich Menschen auf Kinderbotschoften einlossn – wunderschian!
Donkschian der Doaswolder Feuerwehr fürs „Zur Verfügung stelln“ va ihrn schian Raum,
der Gemeinde Kastelruth fürn Christbaum.
Donkschian in olla, dei zum Gelingen der Feier hobm beigetrogn,
sell isch ins wichtig a do no amol zu sogn.
Donkschian sogn mir obo vor ollem in olla, dei za inserer Weihnochtsfeier heuer kemmen sein,
der Verein „Kinderherz“ werd sich über enkere großzügigen, freiwilligen Spenden gonz bsunders freidn.
….und Donkschian sogn mir enk olla a no amol fürs Zualoasn, fürs Staunen und enker Lochn –
jo, weil genau des tuat in Zauber der Weihnocht a mit ausmochn!
A gonz bsunders Donkschian Kinder, sell geaht obo eindeutig an enk,
denn enkern eifrigen Einsotz, enkere Freid miterlebm za terffn, sell isch für ins olla wohl es schianste, bleibende Gschenk.

Lehrerin Manuela